Հաջորդ շաբաթվանից նորաստեղծ հիփոթեքային հիմնադրամը կսկսի իր գործունեությունը: Երեկ այս մասին լրագրողներին տեղեկացրել է ՀՀ կենտրոնական բանկի նախագահ Արթուր Ջավադյանը: Ըստ ԿԲ նախագահի, հիմնադրամի գործունեությունը կհանգեցնի տոկոսադրույքների իջեցմանը ու նաեւ կնպաստի, որպեսզի վարկերը տրամադրվեն երկարաժամկետ: Նշենք, որ նորաստեղծ հիմնադրամի կանոնադրական կապիտալը 30 մլրդ դրամ է, որից 5 միլիարդը տրամադրվելու է Կենտրոնական բանկի, իսկ մնացածը՝ կառավարության եւ մասնավոր հատվածի կողմից:
