![\"\"](\"https://www.aravot.am/2009/aravot_arm/June/26/p25.jpg\")
Կրասնագորսկ քաղաքի դատարանը հեռակա կարգով մեղավոր ճանաչեց ձեռնարկատեր Բորիս Բերեզովսկուն՝ «Ավտովազ» ընկերությունից 143 մլն ռուբլի հափշտակելու մեջ: Ավելի վաղ մեղադրող կողմը պահանջել էր Լոնդոնում ապրող բիզնեսմենին դատապարտել 15 տարվա ազատազրկման: Որպես գործով երկրորդ մեղադրյալ է «Լոգովազ» ընկերության նախկին տնօրեն Յուլի Դուբովը, որի համար դատախազությունը պահանջում է 9 տարի ազատազրկում: Քննության վարկածի համաձայն՝ 1994 թվականին «Լոգովազը» պայմանագիր է կնքել «Ավտովազի» հետ՝ 20 հազար մեքենա մատակարարելու մասին, բայց, ստանալով դրանք, գումարի մի մասը չի վճարել: Մեղադրական եզրակացության համաձայն՝ դրա փոխարեն 143 մլն ռուբլի ներդրվել է անշարժ գույքի եւ արժեթղթերի մեջ:
Սա Բերեզովսկու դեմ երկրորդ քրեական գործն է, որը ռուսաստանյան դատարանը քննում է հեռակա կարգով: 2009 թվականի փետրվարին բիզնեսմենը դատապարտվել է 6 տարի ազատազրկման՝ «Աերոֆլոտից» 200 մլն ռուբլի հափշտակելու համար: Դատարաններում Բերեզովսկու շահերը ներկայացնում է պետական պաշտպանը, քանի որ գործարարն այդ քրեական գործերն անվանում է քաղաքական եւ արգելում է իր փաստաբաններին մասնակցել դատավարություններին: Ռուսաստանում քննվում է եւս մի քանի գործ՝ Բերեզովսկու հետ կապված: Մասնավորապես, նա մեղադրվում է սահմանադրական կարգը բռնի ուժով փոխելու կոչերի համար:
