![\"\"](\"https://www.aravot.am/2009/aravot_arm/June/23/p25.jpg\")
Նորվեգիայի մայրաքաղաք Օսլոյի քաղաքապետ Իռլինգ Լայեն (աջից) Վիլնյուսում, որն այս տարի արժանացել է «Եվրոպայի մշակութային մայրաքաղաք» կոչվելու պատվին, հունիսի 19-ին կայացած քաղաքապետերի համաժողովին ներկայացել է իր հոմոսեքսուալիստ ամուսնու՝ Յենս Օլսենի ընկերակցությամբ: Այդպիսով, նա որոշել է իր բողոքն արտահայտել, իր խոսքերով՝ «Լիտվայում միասեռականների ծանր դրության կապակցությամբ»: Լայեն ասել է, որ ամուսնու ուղեկցությունը նախապես պլանավորած չէր ավելի քան 30 քաղաքապետերի մասնակցությամբ ընթացող համաժողովին, սակայն իր այդ քայլով նա ցանկացել է ընդգծել, որ ինքն «ամուսնական կապերով կապված է տղամարդու հետ»: Օսլոյի հոմոսեքսուալիստ քաղաքապետի դժգոհությունն էր հարուցել մասնավորապես այն, որ Վիլնյուսի քաղաքապետ՝ պահպանողական Վիլյուս Նավիցկասը անթույլատրելի է համարել «Եվրոպայի մշակութային մայրաքաղաք-2009»-ի կենտրոնում գեյ-շքերթների անցկացումը: Լայեն պնդում է, որ Լիտվայում միասեռականները ենթարկվում են խտրական վերաբերմունքի, ոտնահարվում են նրանց իրավունքները եւ, ընդհանուր առմամբ, նրանք ավելի վատ վիճակում են գտնվում, քան բալթյան մյուս երկրների նրանց «համախոհները»: Իր հերթին Վիլնյուսի քաղաքապետն ասել է, որ չի պատրաստվում վիճաբանության մեջ մտնել իր նորվեգացի գործընկերոջ հետ: Իսկ քաղաքապետերի հանդիպման ժամանակ, ինչպես հաղորդում են պաշտոնական աղբյուրները, սեռական փոքրամասնությունների եւ ընդհանրապես սեռական խնդիրների հարց չի բարձրացվել:
