![\"\"](\"https://www.aravot.am/2009/aravot_arm/June/19/p1.jpg\")
Թուրքիան «մարտավարական հետքայլ» կատարեց Հայաստանի հետ հարաբերությունների կարգավորման գործընթացում՝ այդ նախաձեռնության նկատմամբ երկրի ներսում կատաղի հակազդեցության պատճառով. «Reuters»-ին տված հարցազրույցում հայտարարել է Հարավային Կովկասում ԵՄ հատուկ ներկայացուցիչ Պիտեր Սեմնեբին: «Թուրքական կողմը հետքայլ կատարեց, սակայն դա 180 աստիճանով շրջադարձ չէ: Հուսով ենք, որ երկխոսությունը կշարունակվի»,- նշել է Սեմնեբին: Նրա կարծիքով, Հայաստանի հետ հարաբերությունների կարգավորման հարցը Թուրքիայում թեժ բանավեճերի առարկա դարձավ. «Ինձ թվում է, որ բանավեճն ավելի թեժ եղավ, քան սպասվում էր»: Հավելել է, թե շատ կարեւոր է, որպեսզի հայ-թուրքական հարաբերությունների կարգավորման մեջ առաջացած «դադարը» երկար չձգվի, քանի որ կա խթանը կորցնելու ռիսկ: Սակայն, չնայած դրան, ըստ Սեմնեբիի՝ ոչինչ չի վկայում, որ Անկարայի արտաքին քաղաքականությունը փոխվել է:
