ՌԵՏԻՆԵ ՄԱՐՄԻՆ

Մարդու հոգեւոր, մտավոր եւ ֆիզիկական հնարավորություններն անսահմանափակ են: Ասում են՝ յուրաքանչյուր ոք կարող է անել անհնարինը: Բայց դրա համար նա պետք է շատ ցանկանա, ապրի հատուկ ռեժիմով, նախապատրաստական

որոշակի ծրագիր անցնի: Ու, որ նույնպես շատ կարեւոր է՝ ամեն օր տքնաջան մարզվի: Օրինակները բազմաթիվ են: Ասենք՝ արեւելյան մարտարվեստների ներկայացուցիչները, որոնք դատարկ ձեռքերով կամ մարմնի տարբեր մասերով հաստ տախտակներ ու աղյուսներ են փշրում՝ առանց անգամ թեթեւ քերծվածք ստանալու: Կամ, ասենք, յոգաները: Նրանք ոտաբոբիկ քայլում են շիկացած ածխի վրա եւ այրվածքներ չեն ունենում, մերկ պառկում են սուր ասեղների, սրասայր դանակների վրա ու՝ ոչինչ:

Մարդիկ էլ կան, եւ նրանք, որպես կանոն, գեղեցիկ սեռի ներկայացուցիչներ են, զբաղվում են իրենց մարմնին աներեւակայելի ճկունություն հաղորդելով: Նրանք օձի պես գալարվում են, ծառի դալար ճյուղի պես ճկվում, կծկվում, ինչպես սպունգը սեղմած ձեռքում:

Նայելով այս նկարների աղջիկներին՝ մտածում ես, որ նրանք ոսկոր ընդհանրապես չունեն: