Թբիլիսիում շարունակվում է շախմատի աշխարհի բազմակի չեմպիոն Մայա Չիբուրդանիձեի գավաթի խաղարկությունը: Հայաստանի երեք ներկայացուցիչներից առայժմ ամենից հաջող հանդես է գալիս գրոսմայստեր Լիլիթ Գալոյանը: Նա հինգ հնարավորից վաստակել է 3,5 միավոր: Մեր մյուս գրոսմայստերը՝ Լիլիթ Մկրտչյանը, իր անվան դիմաց գրանցել է 3,0 միավոր, իսկ միջազգային վարպետ Սիրանուշ Անդրիասյանն ունի 2,5 միավոր: Մրցաշարի առաջատարը Սլովենիան ներկայացնող Աննա Մուզիչուկն է՝ 4,5 միավորով:
