![\"\"](\"https://www.aravot.am/2009/aravot_arm/June/1/p10.jpg\")
Կարդալով Հայաստանի ընդդիմադիր օրաթերթերից մեկում Եւրատեսիլի մասին գրուած յօդուածը, անկեղծ ըսած չզարմացայ, բայց ափսոսանք ու մտահոգութիւն յառաջացաւ իմ մտքիս մէջ: Ինչո՞ւ աւաղ եւ ինչո՞ւ մտահոգուած եմ:
Շաբաթ օրն էր, մայիսի 16, ընտանիքի բոլոր վեց անդամներով նստած էինք հեռատեսիլին դիմաց եւ անհամբեր կը սպասէինք Հայաստանը ներկայացնող կամ Հայաստանի մշակոյթը ներկայացնող Ինկա եւ Անուշի ելոյթը. կը շեշտեմ՝ Հայաստանի Եռագոյնը եւ մշակոյթը ներկայացնող քոյրերը, եւ Ո՜Չ Հայաստանի իշխանութիւնը կամ անոր ներքին ու արտաքին քաղաքականութիւնը ներկայացնողները…
Սփիւռքը՝ որ Հայաստանի Հանրապետութեան անբաժանելի մասը կը կազմէ, շատ լաւ ու աչալուրջ կը հետեւի Հայաստանի քաղաքական եւ ընկերային զարգացումներուն եւ պէտք եղած ատեն իր խիստ կամ դրական գնահատանքը կու տայ: Ակնյայտ է որ այդ յօդուածը գրուած է միայն ու միայն ներքաղաքական շահերի համար: Կ՛ըսէք թէ սփիւռքը բաւականին չքուէարկեց Հայաստանի օգտին… Ինչու մենք քուէարկեցինք Հայաստանի արտագին կամ ներգին քաղաքականութե՞անը, թէ՞ Հայաստանի պատիւն ու դրօշը բարձր պահելու համար… Այստեղ հարց կը յառաջանայ, ինչպէս կ՛ըլլայ հնարել ու կցկցել մի շարք պատճառներ, թէ ինչու սփիւռքը չէ քուէարկած երկու քոյրերուն, եւ ակնյայտորէն կանտեսէ՛ք այս տարուայ Եւրատեսիլի քուէարկութեան յայտնի 50% փոփոխութիւնները: Ճիշդ չէ՜, սխա՜լ է եւ նաեւ միտումնաւո՜ր է այսպիսի մոտեցումը: Սփիւռքը շատ լաւ կը գիտակցի ինչ կը նշանակէ Հայաստանի դրօշն ու պատիւը բարձր պահելը եւ չի խառներ քաղաքականութեան հետ, ի հեճուկս Հայաստանի համբաւի եւ ի նպաստ անձնական շահերու: Ձեր բացասական դիրքորոշումը պահեցէք ձեզ, եւ տիպար եզրակացութիւններ ըրէք: Այո՛ կը դատապարտենք հայ-թուրքական, այսպէս կոչուած, ճանապարհային քարտէզե համաձայնագիրը, բայց այս կամ այն իրադարձութիւնները ոչ մէկ ձեւով կ՛ազդէն սփիւռքահայութեան վրայ՝ Հայու պատիւն ու արժանապատուութիւնը բարձր պահելու հարցին մէջ:
Այսպիսով, կարճ պահելով գրութիւնս, կը մաղթեմ յաջողութիւն ամբողջ Հայ Ազգիս…
