ՄԱԿ-ի «Համաշխարհային տնտեսական իրադրությունը եւ 2009 թվականի հեռանկարները» զեկույցի հեղինակները չեն բացառում երկարատեւ գլոբալ ռեցեսիայի առկայությունը: Նրանք, միաժամանակ, մտահոգություն են հայտնում՝ կապված ԱՊՀ որոշ երկրներում, նաեւ Հայաստանում տիրող սոցիալական լարվածության եւ քաղաքական անկայունության աճի կապակցությամբ: Զեկույցի հեղինակներն ընդգծում են, որ նման միտումներն ավելի են խորացնում տարածաշրջանում տիրող տնտեսական անորոշությունը: Ըստ զեկույցի, կանխատեսվում է գործազրկության կտրուկ աճ. մոտակա 2 տարիներին 50 մլն մարդ կմնա անգործ, իսկ աշխարհում, տնտեսական իրավիճակի հետագա վատթարացման դեպքում, գործազուրկների թիվը կարող է հասնել 100 միլիոնի:
