Մահացավ ամերիկացի հռչակավոր բռնցքամարտիկ, գերքաշային կարգում չեմպիոնական բազմաթիվ տիտղոսների արժանացած Մայք Թայսոնի չորս տարեկան դուստր Իքսեդը:
Աղջնակը երկուշաբթի օրը ծանր վիճակում հիվանդանոց է տեղափոխվել դժբախտ պատահարի արդյունքում, երբ երեխայի վիզը հայտնվել էր մարզական վարժասարքի լարից պատահականորեն առաջացած օղակում: Այդ ժամանակ տանը եղել են մայրը, որը մյուս սենյակում տնային գործերով է զբաղված եղել եւ 7-ամյա եղբայրը: Հենց եղբայրն է նկատել «թակարդում» հայտնված երեխային եւ կանչել մորը: Աղջնակի մայրը, տանջահար երեխային ազատելով օղակից, շտապ զանգել է 911: Ժամանած փրկարարները նախքան նրան հիվանդանոց տանելը՝ առաջին օգնություն են ցուցաբերել, սակայն երեխայի կյանքը փրկել չի հաջողվել:
