![\"\"](\"https://www.aravot.am/2009/aravot_arm/May/27/p19.jpg\")
Ինչպես հաղորդում են ռուսական լրատվամիջոցները՝ երեկ Թբիլիսիում վերսկսվել է ընդդիմադիրների հանրահավաքը, որտեղ նրանք պահանջում են նախագահ Միխայիլ Սահակաշվիլիի հրաժարականը: Ըստ որոշ տեղեկությունների, ընդդիմադիրների քանակը տատանվում է 60-80 հազար մարդու շրջանակներում, կան նույնիսկ մինչեւ 100 հազարը հաշվողներ: Հիմնականում ցուցարարները հավաքվել են Վրաստանի տարբեր քաղաքներից ու շրջաններից: Հավանաբար, այնտեղ չի հասել Հայաստանի փորձը՝ շրջափակել մայրաքաղաքը հանրահավաքներից առաջ:
Մարդիկ մտադիր են Թբիլիսիի կենտրոնական փողոցով երթ անել, որպեսզի ցուցադրեն իրենց անհամաձայնությունը գործող ռեժիմի վարած քաղաքականությանը: Ամբողջ ընթացքում նրանք գոռում են՝ «Միշա, հեռացիր» եւ «Վրաստանը մերն է» կարգախոսները: Իշխանությունները չեն ընդդիմանում հանրահավաքների մասնակիցներին, բայց մտադիր չեն նաեւ կատարել նրանց պահանջները:
