Մայիսի 30-ին Երեւանի «Արմենիա Մարիոթ» հյուրանոցի «Տիգրան Մեծ» սրահում տեղի կունենա «Դիզայն 2009» առաջին միջազգային ցուցահանդեսը: Ըստ «Արմինֆո» գործակալության տարածած հաղորդագրության, «Էկո» կենտրոնից հայտնել են, որ ցուցահանդեսը կծանոթացնի դիզայներական մտքի նոր միտումներին թե՛ տարածքների ներքին եւ արտաքին հարդարման, թե՛ հագուստի եւ զարդերի եւ թե՛ տպագրության եւ ինտերնետային դիզայնի ոլորտներում: Ցուցահանդեսի շրջանակներում կանցկացվի թանկարժեք իրերի խաղարկություն, որի ընթացքում խաղարկվելու են բազմաթիվ մրցանակներ:
