Երեկ Հանրային ծառայությունները կարգավորող հանձնաժողովը (ՀԾԿՀ) բավարարել է ընկերությունը Orange Armenia անվանափոխելու մասին «ՖՏԱ-Տելեկոմի» հայտը: Ինչպես այսօր հայտնել է ընկերության գլխավոր տնօրեն Բրունո Դյութուան, «ՖՏԱ-Տելեկոմ» անվանումը տեխնիկական բնույթ էր կրում եւ ընտրվել էր բջջային կապի 3-րդ օպերատորի արտոնագրի մրցույթին մասնակցելու համար: Այս մասին հայտնում է «Մեդիամաքսը»:
Բրունո Դյութուան տեղեկացրել է նաեւ, որ Orange Armenia բջջային ցանցի կառուցման աշխատանքները գտնվում են ակտիվ փուլում, եւ ընկերությունը շուկա կմտնի խոստացված ժամկետներում: Նա նշել է, որ ընկերությունը Հայաստանում ներդնելու է Orange-ի արժեքները, որոնք նախատեսում են սերտ փոխհարաբերություններ բաժանորդների հետ:
