![\"\"](\"https://www.aravot.am/2009/aravot_arm/May/20/p17.jpg\")
Արագածոտնի մարզպետարանի գյուղատնտեսության եւ բնապահպանության վարչության պետ Յու. Ազատյանը հայտարարել է, որ մարզի՝ կարտոֆիլի մշակությամբ զբաղվող գյուղացիական տնտեսություններն այս տարի բերքի իրացման խնդիր ունեն: Աշնանն ու ձմռանը նրանք չեն կարողացել իրացնել արտադրանքի մեծ մասը, եւ այժմ, երբ շուկայում արդեն այս տարվա վաղահաս կարտոֆիլն է հայտնվել, ամբարներում դեռ նախորդ տարվա բերքի մեծ քանակություն կա: 2008 թ. մարզում 34 060 տոննա կարտոֆիլ է արտադրվել եւ 12-15 հազար տոննան դեռ իրացված չէ: Չիրացված բերքը օգտագործվում է իբրեւ սերմացու: Մարզպետարանում վստահ են, որ այս տարի կարտոֆիլը բավական առատ կլինի: Կարտոֆիլի մշակությունը այս մարզում լայնորեն տարածված է՝ Արագածի եւ Ապարանի տարածաշրջաններում ամբողջությամբ եւ Աշտարակում ու Թալինում՝ մասամբ:
