ՀՀ Սփյուռքի նախարարությունը տեղեկացնում է, որ նախարարության ատյանի վերջին նիստում, ի թիվս այլ հարցերի, քննարկվել եւ հավանության է արժանացել Մերձավոր Արեւելքի երկրների կրթամշակութային խնդիրների օգնության ծրագիրը: Ծրագիրը ֆինանսավորելու է «Փյունիկ» հիմնադրամը:
Ըստ նախարարության, հիմնադրամի նախագահ Լեւոն Սարգսյանը «վստահություն հայտնեց, որ համատեղ ուժերով, պարոն Գաբրիել Ջամբարջիի օգնությամբ, կիրականացնեն բոլոր ձեռնարկները»:
Լեւոն Սարգսյանը ՀՀ նախագահ Սերժ Սարգսյանի եղբայրն է, ժամանակին Հայաստանի դեսպանն էր Մերձավոր Արեւելքի մի շարք երկրներում, հիմա դասախոսում է Երեւանի պետական համալսարանի արեւելագիտության ֆակուլտետում: Իսկ թե ով է պարոն Գաբրիել Ջամբարջին, ինչ կապ ունի Հայաստանի, հայերի, Սփյուռքի, Սփյուռքի նախարարության հետ՝ նախարարությունը չի տեղեկացնում:
