Գետից՝ դի
Գեղարքունիքի մարզի Մարտունու ոստիկանությունից տեղեկություն է ստացվել, որ Մարտունի գետից տեղի ուժերով դուրս է բերվել Գետահովիտ գյուղի բնակչուհի, 45-ամյա Ալիսա Մելիքյանի դին:
Դեղից՝ թունավորում
Դեղորայքային թունավորումով Արագածոտնի մարզի Աշտարակի հիվանդանոց է տեղափոխվել Կոշ գյուղի բնակչուհի՝ 73-ամյա Ժենյա Բունիաթյանը:
Գազից՝ թունավորում
Գազից թունավորումով Սյունիքի մարզի Քաջարանի հիվանդանոց են տեղափոխվել 54-ամյա Բորիկ Անտոնյանը, նրա հասակակից Էդգար Սարգսյանը, 77-ամյա Մանյա Եղյանը եւ 24-ամյա Վարդան Անտոնյանը:
Նոր հուշագիր
ՀՀ-ի եւ Չեխիայի գլխավոր դատախազներ Աղվան Հովսեփյանն ու Ռենատա Վեսեցկան երեկ Երեւանում ստորագրեցին երկու երկրների գլխավոր դատախազությունների միջեւ համագործակցության մասին հուշագիր: Այն կոչված է աշխուժացնել ՀՀ-ի եւ Չեխիայի դատախազությունների համատեղ աշխատանքը հանցավորության, մասնավորապես՝ թրաֆիքինգի եւ ապօրինի միգրացիայի դեմ պայքարի գործում, ինչպես նաեւ քաղաքացիների հիմնական իրավունքների եւ ազատությունների պաշտպանության ոլորտում:
