ՀՖՖ մամուլի քարտուղարությունը տեղեկացնում է, որ Եվրոպայի 2011 թ. երիտասարդների առաջնության որակավորման փուլում 2-րդ խմբում ընդգրկված Հայաստանի հավաքականը հունիսի 5-ին Շվեյցարիայի իր հասակակիցների հետ արտագնա խաղն անցկացնելու է Վիլ քաղաքի «Բերգհոլցե» ստադիոնում: Այդ հանդիպումը ՈՒԵՖԱ-ի որոշմամբ սպասարկելու է Սերբիայի մրցավարական բրիգադը՝ գլխավոր մրցավար Բոշկո Յովանետիչի գլխավորությամբ: Եզրային մրցավարի պարտականությունը կատարելու են Ռադովան Ստեպանովիչը եւ Վլադանկո Պանիչը: 4-րդ մրցավարը Բոյան Ստոյանովիչն է լինելու:
Վիլից չորս օր անց մեր երիտասարդական թիմը Վազգեն Սարգսյանի անվան Հանրապետական ստադիոնում ընդունելու է Թուրքիայի հավաքականին: Խաղի գլխավոր մրցավար նշանակվել է բելգիացի Քրիստոֆ Վիրան: Նրան կօգնեն Տոպ Դենսը եւ Իվ Դե Նեւը: Չորրորդ պաշտոնյան Ժան-Բատիստ Բուլտինկն է:
