![\"\"](\"https://www.aravot.am/2009/aravot_arm/May/16/p5.jpg\")
Բուլղարիայում մեկնարկած շախմատի 21-րդ կարգի «Mtel Masters» միջազգային գերմրցաշարի երկրորդ տուրում միակ հաղթանակը տարավ Չինաստանի ներկայացուցիչ Վան Յուեն:
Նա պարտության մատնեց Վասիլի Իվանչուկին: Սա ուկրաինացու երկրորդ անընդմեջ պարտությունն էր Սոֆիայում: Լենյեր Դոմինգես (Կուբա)-Մագնուս Կարլսեն (Նորվեգիա) եւ Վեսելին Տոպալով (Բուլղարիա)-Ալեքսեյ Շիրով (Իսպանիա) պարտիաներն ավարտվեցին խաղաղ արդյունքով: Երկու տուրից հետո մրցաշարում եռիշխանություն է: Կարլսենը, Վան Յուեն եւ Շիրովը ունեն 1,5-ական միավոր, Դոմինգեսը 1,0 միավորով չորրորդն է, Տոպալովը (0,5)՝ հինգերորդը, իսկ Իվանչուկը զրո միավորով եզրափակում է մրցաշարային աղյուսակը:
