Երեկ Բուլղարիայի մայրաքաղաքում մեկնարկեց շախմատի ավանդական «Mtel Masters» միջազգային հինգերորդ գերմրցաշարը (21-րդ կարգ), որին մասնակցում են աշխարհի ներկայիս ուժեղագույն գրոսմայստերներից վեցը: Նրանք են. Վեսելին Տոպալով (Բուլղարիա), Մագնուս Կարլսեն (Նորվեգիա), Վասիլի Իվանչուկ (Ուկրաինա), Ալեքսեյ Շիրով (Իսպանիա), Վան Յուե (Չինաստան), Լենյեր Դոմինգես (Կուբա): Այս շախմատիստները երկու շրջանով կպայքարեն ոչ միայն հաղթողին որոշելու, այլեւ 300 հազար եվրո ընդհանուր մրցանակային ֆոնդի առյուծի բաժնին տիրելու համար:
Առաջին տուրում վիճակահանությունը միմյանց դեմ հանել է Կարլսենին եւ Տոպալովին, Իվանչուկին եւ Շիրովին, Վան Յուեին եւ Դոմինգեսին:
