![\"\"](\"https://www.aravot.am/2009/aravot_arm/May/14/p17.jpg\")
Իրանական ծագում ունեցող ամերիկացի լրագրող Ռոքսանա Սաբերիին հաջողվել էր ձեռք բերել իրանական կառավարության գաղտնի զեկույցը՝ ԱՄՆ-ի Իրաք ներխուժելու մասին: Այդպիսի հայտարարություն է արել Սաբերիի պաշտպաններից մեկը՝ այն բանից հետո, երբ լրագրողին ազատ են արձակել: Ըստ փաստաբանի, զեկույցը նախապատրաստվել էր 2003 թվականին, Իրանի նախագահին առընթեր ռազմավարական հետազոտությունների կենտրոնի կողմից, սակայն լրագրողն այդ փաստաթուղթը որեւէ ձեւով չի օգտագործել եւ ամերիկյան կողմին չի հաղորդել: Սաբերիին հաջողվել է պատճենավորել այդ զեկույցը այն ժամանակ, երբ նա իրանական ազդեցիկ հոգեւորականների մոտ աշխատում էր արտահաստիքային թարգմանիչ: Վերաքննիչ բողոքի ժամանակ նա խոստովանել է, որ սխալ է գործել՝ պարզապես հետաքրքրասիրությունից դրդված, եւ ներողություն է խնդրել: Դատարանն ընդունել է նրա ներողությունները եւ 8 տարի ազատազրկումը փոխարինել 2 տարի «պայմանականով»: Այժմ Սաբերին, ամենայն հավանականությամբ, կվերադառնա ԱՄՆ:
