ՀՖՖ մամուլի քարտուղարությունը տեղեկացնում է, որ հունիսի 6-ին կայանալիք 2011 թվականի Եվրոպայի երիտասարդական առաջնության որակավորման փուլի 1-ին խմբի Լատվիա-Անդորրա հանդիպումը կսպասարկի Հայաստանի մրցավարական խումբը՝ Արարատ Ճաղարյանի գլխավորությամբ: Այդ խաղում եզրային մրցավարների պարտականությունը կկատարեն Արշակ Կնյազյանը եւ Արթուր Մուրադյանը: Չորրորդ պաշտոնյա նշանակվել է Կարեն Նալբանդյանը:
