![\"\"](\"https://www.aravot.am/2009/aravot_arm/May/12/p19.jpg\")
2009 թ. մայիսի 9-ին Տավուշի մարզկենտրոն Իջեւանում եւ սահմանամերձ Նոյեմբերյանում զորահանդեսներ են կայացել: Հայաստանի անկախացումից հետո սա Նոյեմբերյանում առաջին զորահանդեսն էր: Նոյեմբերյան քաղաքի Ազատության հրապարակով խրոխտ շարքերով անցան սահմանապահները, հետո իրենց հմտությունները ցուցադրեցին հետախույզները: Հնչում էին տոնական ու հայրենասիրական երգեր ու բանաստեղծություններ: Նոյեմբերյանի զինկոմ Անդրանիկ Հարությունյանը պատերազմի վետերաններին հանձնեց «Մարշալ Բաղրամյան» մեդալ: Նոյեմբերյանը եւ հարակից գյուղերը ընդգրկող թիվ 40 ընտրատարածքից ԱԺ պատգամավոր Միքայել Վարդանյանը նոյեմբերյանցի, կողբեցի եւ բերդավանցի վետերաններին հանձնեց «Գրանդ հոլդինգի» քաղցրավենիքի փաթեթներ եւ դրամական պարգեւ: Ազատության հրապարակին կից «Մհերի դուռ» սրճարանում վետերանների համար Նոյեմբերյանի քաղաքապետարանը, Կողբի եւ Բերդավանի գյուղապետարանները ճաշկերույթ կազմակերպեցին:
