Ինչպես հայտնի է, սեպտեմբերի 11-13-ը Երեւանում՝ Կարեն Դեմիրճյանի անվան մարզահամերգային համալիրում, անցկացվելու է ձյուդոյի Եվրոպայի երիտասարդական առաջնությունը:
Նախապատրաստական աշխատանքների ընթացքին ծանոթանալու նպատակով վաղը Հայաստան է ժամանելու Եվրոպայի ձյուդոյի միության (ԵՁՄ) սպորտի տնօրեն, էստոնացի Ինտրեկ Պիտեր Պերտելսոնը: Նախատեսվում է, որ նա Երեւանում կունենա մի շարք գործնական հանդիպումներ, իսկ երկուշաբթի օրը ՀՀ սպորտի եւ երիտասարդության հարցերի նախարար, ՀԱՕԿ-ի գլխավոր քարտուղար Արմեն Գրիգորյանի հետ համատեղ մամուլի ասուլիս կտա:
