Տեղեկություն առայժմ չկա

Խասավյուրտում ավարտվեց ձյուդոյի մինչեւ 23 տարեկանների միջազգային ներկայացուցչական մրցաշարը, որը հովանավորում էր Ռուսաստանի Դաշնության վարչապետ Վլադիմիր Պուտինը:

Մեր հանրապետությունը մրցավայր ներկայացել էր յոթ հոգով: Տատամի պետք է մտնեին Գոռ Մկրտչյանը եւ Արթուր Վարդանյանը (երկուսն էլ՝ մինչեւ 60 կգ քաշային կարգ), Փայլակ Վարդազարյանը՝ 66 կգ, Արտակ Աբրահամյանը եւ Անդրանիկ Չափարյանը (երկուսն էլ՝ մինչեւ 73 կգ), Արման Խաչատրյանը՝ 81 կգ, եւ գերծանր քաշային (+100 կգ) Արտուշ Մկրտչյանը:

Մրցաշարն արդեն ավարտվել է, սակայն մարզիչ Կարեն Սիմոնյանը դեռ իր սաների մասնակցության արդյունքների մասին տեղեկություն չէր հաղորդել ֆեդերացիա:

Դրա փոխարեն՝ ձյուդոյի Հայաստանի ֆեդերացիայում երեկ մեզ տեղեկացրին, որ այսօր Գերմանիա է մեկնում 11 մարզիկից բաղկացած մեր պատանեկան հավաքականը: Նրանք մայիսի 9-ից 10-ը հանդես կգան մինչեւ 17 տարեկանների միջազգային մրցաշարում, այնուհետեւ՝ մայիսի 11-13-ը, մրցաշարի մասնակից երկրների հետ համատեղ միջազգային հավաք կանցկացնեն, որից հետո կմեկնեն Բելգիա եւ այնտեղ նույնպես կմասնակցեն միջազգային մրցաշարի: