Երեկ գրող Լեւոն Խեչոյանը «Առավոտի» խմբագրություն էր ուղարկել հետեւյալ գրությունը. «Իմ աջակցությունը հայտնելով ջավախահայ ազգային գործիչ Վահագն Չախալյանին՝ դատապարտում եմ Թբիլիսիի կալանատանը աշխատակիցների կողմից նրան դաժան ծեծի եւ կտտանքների ենթարկելու փաստը: Կատարվածը դիտարկելով որպես քաղաքական հաշվեհարդար՝ ջավախահայությանը ծեծի, խոշտանգումների եւ վախեցնելու օրինակով ընդհանրապես ետ պահելու ձայնի իրավունքից: Վրաստանի իշխանություններից պահանջում եմ դադարեցնել Վահագն Չախալյանի դեմ քաղաքական դրդապատճառներով կազմած կեղծ դատական գործը եւ ազատ արձակել: Միաժամանակ, Հայաստանի Հանրապետությունում Վրաստանի դեսպանից պահանջելով հրապարակային բացատրություն՝ կատարված քստմնելի գործի վերաբերյալ: Պահանջելով նաեւ Հայաստանի Հանրապետության իշխանություններից՝ զորավիգ լինել «Միասնական Ջավախք- ժողովրդավարական դաշինք» հասարակական կազմակերպության նախագահ, քաղբանտարկյալ հայորդուն»:
