Միացյալ Արաբական Էմիրություններում ավարտվեց շախմատի «Dubai Open» 11-րդ միջազգային մրցաշարը, որին մասնակցում էին 29 ազգային ֆեդերացիաների 140 շախմատիստներ:
Հայաստանի վեց ներկայացուցիչներից իրենց գերազանց դրսեւորեցին գրոսմայստերներ Տիգրան Քոթանջյանն ու Աշոտ Անաստասյանը: Նրանք, ինչպես նաեւ ռուսաստանցի Դմիտրի Բոչարովը, ինը հնարավորից վաստակեցին 7,5-ական միավոր եւ կազմեցին մրցանակային եռյակը: Սակայն լրացուցիչ գործակիցները նրանց դասավորեցին հետեւյալ հերթականությամբ. 1. Տիգրան Քոթանջյան, 2. Դմիտրի Բոչարով, 3. Աշոտ Անաստասյան:
Մեր մյուս շախմատիստները զբաղեցրին այսպիսի տեղեր:
17. Հրանտ Մելքումյան 6,0 միավոր
28. Սուրեն Պողոսյան 5,5
71. Վարդան Խոջայան 4,5
73. Աղասի Ինանց 4,5:
Դուբայում Վրաստանի դրոշի ներքո հանդես էր գալիս մեր հայրենակից՝ գրոսմայստեր Դավիթ Հարությունյանը: Նա 5,5 միավորով մրցաշարն ավարտեց 31-րդ հորիզոնականում:
