Արդյո՞ք, լսել ես երգը դուդուկի…
Այնքա՛ն վշտալի, այնքա՛ն
սրտամար,…
Այդ երգը ողբն է իմ ժողովրդի
Տարածվում հիմա աշխարհով
արար։
Արդյո՞ք, լսել ես երգը դուդուկի…
Հանգստի ժամին, խրախճանքի մեջ…
Ինչպե՛ս է դյութում քեզ այդ
մեղեդին
Լուռ վկայելով հայոց ցավը Մեծ…:
Արդյո՞ք, լսել ես երգը դուդուկի…
Ի՛նչ աղոթք ունի՝…Սուրբ–Սուրբ,
Երգ–Երգոց,
Որ ըմբոշխվում է ի խորոց սրտի,
Որպես խոսք Աստծուն շուրթերից
հայոց:
Լսի՜ր, եղբայր իմ, երգը դուդուկի,
Կզգաս, թե ինչքա՛ն նա ունի
արցունք,…
Լսի՜ր… ու կզգաս ողբն իմ ազգի,
Տեսած՝ բյուրավոր տառապանք ու
սուգ։
Լսի՜ր, եղբայր իմ, երգը դուդուկի,…
Կզգաս, ի՛նչ ուժ կա այդ սուրբ
մեղեդում,…
Մեղեդին ձայնն է, հիմն՝
Հայաստանի,…
Ի խորոց սրտի խոսքը ընդ Աստծուն:
