Ֆուտբոլի Հայաստանի գավաթը մայիսի 9-ին կվիճարկեն մայրաքաղաքի երկու ակումբներ՝ «Փյունիկն» ու «Բանանցը»: «Ուլիսի» հետ երկու հանդիպումների արդյունքով եզրափակիչի ուղեգիր առաջինը նվաճել էր Հայաստանի բազմակի չեմպիոն «Փյունիկը» եւ սպասում էր «Բանանց»-«Միկա» հանդիպման հաղթողին: Այս թիմերի առաջին հանդիպումում գրանցվել էր ոչ-ոքի՝ 1:1: Այնպես որ, ամեն բան որոշվելու էր պատասխան խաղում: Ի վերջո, հաջողությունը ժպտաց Արմեն Գյուլբուդաղյանցի սաներին: Հաղթելով 4:2 հաշվով՝ «Բանանցը» եզրափակիչում խաղալու իրավունք նվաճեց:
