Իսպանիայի կառավարությունը հավանություն է տվել թագավորական հրամանին, որը մարզիկներին իրավունք է ընձեռում հրաժարվել երեկոյան ժամը 23-ից մինչեւ առավոտյան ժամը 8-ն ընկած ժամանակահատվածում իրենց այցելած ՎԱԴԱ-ի մասնակիցներին ստուգման համար անալիզ տալ: Դա տարածվում է ինչպես Իսպանիայի քաղաքացիների, այնպես էլ այն մարզիկների վրա, որոնք բնակվում կամ մարզվում են Իսպանիայում:
Հիշեցնենք, որ հակադոպինգային համաշխարհային ծառայության նոր կանոններով՝ մարզիկները պարտավոր են ՎԱԴԱ-ին տեղյակ պահել, թե յուրաքանչյուր օր իրենք առաջիկա մեկ ժամում որտե՞ղ են գտնվելու: Մարզիկների մեծամասնությունը դժգոհում է այդ պահանջներից, իսկ աշխարհի թիվ մեկ ռակետ, թենիսիստ Ռաֆայել Նադալը հայտարարել է, թե այդ կանոնները «մարզիկի անձնական կյանքը չհարգելու վկայությունն են»:
