![\"\"](\"https://www.aravot.am/2009/aravot_arm/April/23/p13.jpg\")
Հայաստանում Լենինի մի արձան է մնացել, այն էլ ոչ թե մայրաքաղաքում կամ այլ քաղաքում, այլ՝ Արմավիրի մարզի Լեռնամերձ գյուղում: Ու հիմա հայ կոմունիստները Վլադիմիր Իլյիչի տարեդարձը նշում են հենց այս հուշարձանի մոտ:
Բացառությամբ Վլադիմիր Իլյիչի ծննդյան 50-ամյակի, որը հանդիսավորությամբ նշվել է 1920 թվականին՝ Ալ. Մյասնիկյանի համառ ջանքերի շնորհիվ, այլ տարեդարձեր հանդիսավորությամբ չեն նշվել՝ պրոլետարիատի առաջնորդը նման բաներ չի սիրել: Հայ ![\"\"](\"https://www.aravot.am/2009/aravot_arm/April/23/p14.jpg\")
կոմունիստներն այդ մասին գիտեն, բայց Լենինի ծննդյան օրը տոնի են վերածում եւ Լեռնամերձ գալիս հանրապետության տարբեր քաղաքներից: Երեկ Լենինի 139-րդ տարեդարձն էր եւ հյուրերը մայրաքաղաքից եւ հարեւան համայնքներից էին:
Կարմիր տոների նկատմամբ լեռնամերձցիների ընդգծված հետաքրքրությունը հասկանալի է. այս գյուղը շատերին հայտնի է Լենինի գյուղ անունով, որովհետեւ եզակի համայնքներից է, որտեղ ավագանու գրեթե բոլոր անդամները կոմունիստ են, իսկ երեխաները՝ պիոներ: Վերջիններիս օգնությամբ էլ կոմունիստները նախապատրաստվել էին տոնին. մաքրել էին գյուղամեջը, լվացել առաջնորդի կիսանդրին, կարմիր դրոշներով զարդարել գյուղի միակ ասֆալտապատ փողոցը եւ կարգի բերել պիոներդպրոցականների շարքերը:
ՀԿԿ առաջնորդ Ռուբեն Թովմասյանը երկար չխոսեց. բավարարվեց հնի ու նորի համեմատությամբ: Նախկինն արժեւորեց, իսկ ներկա գտնվող կոմունիստների հարցերին պատասխանելուց հետո հույս հայտնեց, որ սոցիալիզմի վերադարձն անխուսափելի է ու լինելու է հուժկու, ոտնատակ է անելու բոլոր հակաժողովրդական ուժերին:
