Նալչիկում ընթացող շախմատի ՖԻԴԵ-ի «Grand Prix» չորրորդ մրցաշարում երեկ առաջին հանգստյան օրն էր:
Հինգերորդ տուրում Լեւոն Արոնյանը սեւերով ոչ-ոքի է խաղացել ռուսաստանցի Եվգենի Ալեքսեեւի հետ եւ 3,0 միավորով բաժանում է 3-5-րդ տեղերը: Նա մրցաշարի միանձնյա առաջատարին՝ Ալեքսանդր Գրիշչուկին զիջում է ընդամենը կես միավորով: Նալչիկում առաջին հաղթանակը տոնեց մեր հանրապետության երկրորդ ներկայացուցիչը՝ Վլադիմիր Հակոբյանը: Նա առավելության հասավ ամերիկացի Գատա Կամսկու նկատմամբ եւ ձերբազատվեց մրցաշարային աղյուսակի ետնապահի տհաճ «պաշտոնից»:
Այսօր կայանալու է վեցերորդ տուրը, որում Արոնյանի մրցակիցը Վասիլի Իվանչուկն է, իսկ Վլադիմիրինը՝ Սերգեյ Կարյակինը:
