![\"\"](\"https://www.aravot.am/2009/aravot_arm/April/21/p1.jpg\")
Երեկ, ժամը 14-ի սահմաններում, արտասահմանյան մի քանի շքեղ մեքենաներ՝ «Համմեր»՝ 007 ՕՕ 07 համարանիշով, «Ֆոլքսվագեն» ջիպ՝ 07 ՍՍ 030, Տոյոտա «Պրադո»՝ 55 ՍՏ 755, «Մերսեդես» ջիպ՝ 006 ՍՍ 55, «ԲՄՎ-X5»՝ 001 ՕՕ 07, կարմիր լույսի տակ, ազդանշաններ տալով, իջան Մաշտոցի պողոտայով եւ հատելով Մաշտոց-Մոսկովյան խաչմերուկը՝ ուղիղ Վ. Սարոյանի արձանի մոտով շարունակեցին իրենց ճանապարհը պողոտայով դեպի Օպերա՝ չնայած այս ճանապարհը բաց է միայն քաղաքային տրանսպորտի համար: Օպերայի մոտակայքում մշտապես գտնվող ճանապարհային ոստիկանության աշխատակիցները որեւէ ձեւով չարձագանքեցին այդ խախտմանը: Վերջերս, ոստիկանության օրվա կապակցությամբ, պարգեւատրվել են նաեւ ճանապարհային ոստիկանության աշխատակիցները: Հավանաբար, հասարակական կարգը պահպանելու համար:
