![\"\"](\"https://www.aravot.am/2009/aravot_arm/March/27/p2.jpg\")
Արդեն մի քանի օր է՝ ինչ Էջմիածնի բնակիչներն իրար զգուշացնում եւ տեղեկացնում են, թե քաղաքում մոլագար է հայտնվել, որը հարձակվում է երիտասարդ աղջիկների վրա եւ նրանց մարմնական վնասվածքներ պատճառում: Նրան անգամ անուն են տվել՝ Վամպիր: Մեր տեղեկություններով, վիճակն այնքան ողբերգական չէ, որքան ներկայացվում է քաղաքում շրջող լուրերում եւ բամբասանքներում:
Մենք պարզել ենք, որ օրեր առաջ, սուր կտրող գործիքից ստացած ծանր վնասվածքով Էջմիածնի հիվանդանոց է ընդունվել 26-ամյա Լիլյա Հարությունյանը: Աղջիկը պատմել է, որ երեկոյան 21.30-22-ի սահմաններում՝ աշխատանքից տուն վերադառնալիս, քաղաքապետարանին հարող փողոցում իր վրա է հարձակվել ինչ-որ մեկն ու ցանկացել խլել պայուսակը: Հանդիպելով դիմադրության՝ հանցագործը դանակահարել է աղջկան եւ դիմել փախուստի: Վնասվել է Լիլյա Հարությունյանի թոքը եւ նա տեղափոխվել է հիվանդանոց: Վիրահատությունից օրեր անց աղջիկը դուրս է գրվել հիվանդանոցից, իսկ Էջմիածնի ոստիկանությունում փաստի առթիվ նախապատրաստվել են նյութեր:
