![\"\"](\"https://www.aravot.am/2009/aravot_arm/March/19/p1.jpg\")
ՀՀԿ խմբակցության պատգամավոր Արմեն Աշոտյանը երեկ ԱԺ-ում հարց ուղղեց արտգործնախարար Էդվարդ Նալբանդյանին, թե ինչու Հայաստանը չի արձագանքել ԱՄՆ Պետդեպարտամենտի տարեկան զեկույցի այն հատվածին, որը վերաբերում է ադրբեջանական տարածքների, այդ թվում՝ Լեռնային Ղարաբաղի «օկուպացիային»: Ի պատասխան՝ Էդվարդ Նալբանդյանն ասաց. «Եթե Դուք նկատի ունեք տարածքային ամբողջականության մասին, այսինքն՝ շեշտադրումը այդ զեկույցի մեջ, որը կար, ապա բազմիցս հայտարարվել է, դրանից առաջ եւ դրանից հետո եւ այսօր նաեւ Դուք կարող եք գտնել Հայաստանում ԱՄՆ դեսպանության կայքէջում, որ Միացյալ Նահանգների դիրքորոշումը այս հարցում հիմնված է երեք սկզբունքների վրա: Դա է՝ ուժի չկիրառում, ինքնորոշման իրավունք եւ տարածքային ամբողջականություն: Եվ համապատասխան այդ զեկույցի մեջ տեղադրված այդ ձեւակերպումը, չեմ կարծում, թե արտահայտում էր իրենց դիրքորոշումը հենց Ղարաբաղի հարցի կարգավորման վերաբերյալ»:
