![\"\"](\"https://www.aravot.am/2009/aravot_arm/March/14/p4.jpg\")
Փոքր եւ միջին ձեռնարկությունների տնտեսվարողների շրջանում կատարված հարցման արդյունքներով պարզվել է, որ գործարարների 20% -ը պարբերաբար խնդիրներ է ունենում՝ կապված փաստաթղթաշրջանառության հետ: Հարցման հեղինակների ներկայացմամբ, տարբեր պատճառներով պայմանավորված, փաստաթղթային բարդությունները հաճախ բերում են նրան, որ տնտեսվարողները հրաժարվում են բարդ թղթաբանություն պահանջող գործարքների գրանցումից: Արդյունքում՝ ձեռնարկությունների կատարած շրջանառության ծավալները ճիշտ չեն ֆիքսվում: Պետական եկամուտների կոմիտեի (ՊԵԿ) տեղեկացմամբ, հարցմանը մասնակցած գործարարները նշել են արձանագրված խոչընդոտների վերացմանն ուղղված օրենսդրական քայլերի անհրաժեշտությունը: ՊԵԿ նախագահի առաջին տեղակալ Ահարոն Չիլինգարյանն էլ նշել է, որ այս կերպ կհստակեցվի, թե խնդիրները որտեղ են ավելի սուր, իսկ արված առաջին քայլից հետո, արդեն կիրականացվեն կոնկրետ միջոցառումները:
