![\"\"](\"https://www.aravot.am/2009/aravot_arm/March/12/p1.jpg\")
Հայաստանի տնտեսության կործանման եւ ողբալի իրավիճակի վերաբերյալ Վրաստանի նախագահ Միխայիլ Սահակաշվիլու օրերս արած հայտարարությունը, ըստ «Միացյալ Վրաստան» ժողովրդավարական շարժում կուսակցության նախագահ Նինո Բուրջանաձեի, «ոչ կոռեկտ է եւ հիմար»: Այս մասին կուսակցության նախագահն ասել է «Panorama.am»-ին: Ն. Բուրջանաձեն մասնավորապես ասել է. «Իմ երկրի նախագահը սխալ, տգեղ եւ ոչ կոռեկտ արարք է թույլ տվել ոչ միայն հարեւան երկրի, այլ նաեւ բարեկամ երկրի հանդեպ: Նորմալ նախագահներն իրենց չեն կարող իրավունք վերապահել խոսել այլ երկրի տնտեսության խնդիրների մասին: Ես կարծում եմ՝ Սահակաշվիլու արտահայտությունները ծայրահեղ ոչ կոռեկտ էին եւ հիմար: Մեր երկրի նախագահի ոչ կոռեկտ արտահայտությունները, որոնք վերաբերում են Վրաստանի ներքին հարցերին ու հարեւան-բարեկամ երկրներին, արդեն իսկ մեզ համար նորություն չեն, մենք դրանց սովոր ենք: Ինձ մնում է միայն ափսոսանք հայտնել իմ նախագահի արած հայտարարության համար»:
