![\"\"](\"https://www.aravot.am/2009/aravot_arm/March/11/p24.jpg\")
Մարդու իրավունքների պաշտպան Արմեն Հարությունյանը մարտի 10-ին ներկայացնելով իր տարեկան զեկույցը՝ դրանից հետո հայտարարել է, որ ՄԻՊ գրասենյակը որոշել է Հայաստանում պատվոգրեր հանձնել հանդուրժողականության եւ խոսքի ազատության մշակույթի զարգացման գործում ունեցած ավանդի համար մեկ քաղաքական գործչի եւ մեկ լրագրողի, որպեսզի այդպիսով խրախուսվի համապատասխան միջավայրի ձեւավորմանն ուղղված գործունեությունը: ՄԻՊ գրասենյակի նախաձեռնության առաջին դափնեկիրը լրագրության ոլորտում եղել է «Առավոտ» օրաթերթի լրագրող Աննա Իսրայելյանը (լուսանկարում), իսկ քաղաքական գործիչներից ՄԻՊ գրասենյակի պատվոգիրը ստացել է «Ժառանգություն» խմբակցության քարտուղար Լարիսա Ալավերդյանը:
