![\"\"](\"https://www.aravot.am/2009/aravot_arm/March/10/p1.jpg\")
Վրաստանի նախագահ Միխեիլ Սահակաշվիլին մարտի 7-ին Թբիլիսիի արվարձանում նոր հյուրանոցի բացման արարողության ժամանակ, ըստ «Civil Georgia» կայքէջի՝ հայտարարել է. «Ձեզ հայտնի է, որ մի քանի շաբաթվա ընթացքում Հայաստանի տնտեսությունը կործանվել է: Հայաստանը կրախի մատնվեց, քանի որ լիովին կախված էր ռուսական շուկայից, իսկ երբ ռուսական շուկան փլուզվեց՝ նույն ճակատագրին արժանացավ նաեւ Հայաստանի տնտեսությանը: Մենք գտնվում ենք մի տարածաշրջանում, որտեղ մեզ շրջապատող երկրների տնտեսություններում բարդություններ են առաջացել: Վրաստանը կանգուն կմնա, Վրաստանը կփրկվի անգամ բարդ պայմաններում, եթե մենք քաղաքական կայունություն ունենանք»: Սահակաշվիլին նաեւ ասել է, թե Ռուսաստանը 3 տարի առաջ Վրաստանին «դուրս շպրտեց իր շուկայից», բայց իրենք ժամանակին բարեփոխումներ արեցին. «Մենք գիտենք, որ մարդիկ կարիքի մեջ են ապրում եւ չպետք է թույլ տանք վատթարագույնը՝ տնտեսության փլուզումը: Եվ դա տեղի չի ունենա, քանի որ ամեն ինչ զարգանալու է
մեր ծրագրով»:
