![\"\"](\"https://www.aravot.am/2009/aravot_arm/March/7/p15.jpg\")
«ՀՀ իշխանությունները պետք է քայլեր ձեռնարկեն երկրում քաղաքական դաշտի առողջացման ուղղությամբ, իսկ դրա համար անհրաժեշտ է «բացել» մամուլն ամբողջությամբ, հատկապես՝ էլեկտրոնային մամուլը, բանտարկյալներին ազատ արձակել, մարդկանց տեսակետներ հայտնելու առավել մեծ ազատություններ տալ»,- մարտի 5-ին Հանրային հեռուստաընկերության «25 րոպե» ծրագրին տված հարցազրույցում հայտարարել է «Սիվիլիթաս» հիմնադրամի խորհրդի նախագահ, ՀՀ ԱԳ նախկին նախարար Վարդան Օսկանյանը: Նա հայտարարել է, որ կստորագրի ՀՀ առաջին նախագահ Լեւոն Տեր-Պետրոսյանի՝ մարտի 1-ին ընդդիմության հանրահավաքում արած հայտարարության տակ: Ըստ ԱԳ նախկին նախարարի, պետք է «կենտրոնանանք մեր քաղաքական խնդիրների վրա, առողջացնենք մեր քաղաքական դաշտը, համապատասխան պայմաններ ստեղծենք արդար ընտրությունների միջոցով ճիշտ հակակշիռներ ստեղծելու համար»: Նա միաժամանակ վերահաստատել է նոր ուժով քաղաքականություն վերադառնալու իր մտադրությունը:
