![\"\"](\"https://www.aravot.am/2009/aravot_arm/February/19/p1.jpg\")
Լեռնային Ղարաբաղի հարցով ԵԱՀԿ ԽՎ նախագահի հատուկ ներկայացուցիչ Գորան Լենմարկերը երեկ Վիեննայում ներկայացրել է Հարավային Կովկասի վերաբերյալ իր զեկույցը: ԼՂ հակամարտության վերաբերյալ, ըստ ԵԱՀԿ խորհրդարանական վեհաժողովում Հայաստանի պատվիրակության անդամ Արմեն Աշոտյանի՝ պրն Լենմարկերը նշել է, թե «ստատուս-քվոն լավ չէ, քանի որ շատ մարդիկ վճարում են դրա համար: Մասնավորապես՝ շարունակում են զինվորներ մահանալ, հակամարտող կողմերը մեծ բանակներ են պահում, ծախսեր անում, մարդիկ չեն կարողանում վերադառնալ իրենց օջախները, տնտեսական հարաբերությունները չեն զարգանում: Ուստի շատ կարեւոր է փոխզիջումային լուծումը, որտեղ յուրաքանչյուր կողմ կստանա իր մոտեցումների 50 տոկոսը»: Իր եզրափակիչ խոսքում Լենմարկերը նաեւ ասել է, թե պետք է մտածել՝ ինչ դեր պետք է ունենան խորհրդարանները եւ ԵԱՀԿ-ում Հայաստանի ու Ադրբեջանի պատվիրակությունները՝ ԼՂ խնդրի կարգավորման մեջ. «Եվ առաջարկեց մասնավորապես նույն ձեւաչափով՝ իր մասնակցությամբ եռակողմ հանդիպում անցկացնել Վրաստանում՝ համանման խնդիրների
քննարկման համար»:
Կարդացեք նաեւ՝
