Փետրվարի 16-ին Երեւանի Կարեն Դեմիրճյանի անվան մարզահամերգային համալիրում մեկնարկելու է Հայաստանի, Ռուսաստանի, Ղազախստանի եւ Վրաստանի պատանի բռնցքամարտիկների հավաքականների միջեւ ընկերական մրցաշարը:
Մեր վերջին տվյալներով, 13 քաշային կարգերում ռինգ մտնելու է շուրջ 70 մարզիկ (Ռուսաստանից եւ Ղազախստանից՝ 13-ական, Վրաստանից՝ 16, Հայաստանից՝ առնվազն 25):
Ընկերական այս մրցաշարի մրցավարությունը հիմնականում դրված է կազմակերպիչ կողմի վրա, սակայն Հայաստան ժամանող հավաքականների կազմում ընդգրկված է լինելու մեկական մրցավար, որոնք նույնպես ակտիվ մասնակցություն են ունենալու մրցաշարը սպասարկելու գործում:
