![\"\"](\"https://www.aravot.am/2009/aravot_arm/February/13/p1.jpg\")
Օրերս բրիտանական ԶԼՄ-ները հրապարակել են 2008թ.-ի ամենաքմահաճ, սկանդալային, մի խոսքով՝ ամենաանտանելի հանրաճանաչ մարդկանց ցուցակը, հաղորդում է lenta.ru-ն: Ի թիվս տարբեր «աստղ-աստղիկների», այդ ցուցակում 7-րդ տեղն է գրավել հայ ժողովրդի մեծ բարեկամ եւ հայոց ժողովրդավարության հիմնասյուն Ջոն Պրեսկոտը: Նրա մասին, մասնավորապես, գրված է. «Նա այս կարգի ցուցակների հին վետերաններից է՝ այս քաղաքական գործչի քմահաճույքները հայտնի են այս տասնամյակի կտրվածքով: Նա աջուձախ քամուն էր տալիս հարկատուների փողերը, օրինակ՝ պետական միջոցների հաշվին քշել էր տալիս ծառայողական մեքենան, որպեսզի միսիս Պրեսկոտը հանկարծ չփչացնի իր սանրվածքը: Պրեսկոտը հանրությանը զարմացրեց նաեւ մի խոստովանությամբ, որը ոչ ոք չէր սպասում լսել շուտով պապիկ դարձող 70-ամյա տղամարդուց:
Նա ասաց, որ տարիներ շարունակ տառապում է բուլիմիայով»:
