![\"\"](\"https://www.aravot.am/2009/aravot_arm/February/5/p1.jpg\")
«Եվս մեկ անգամ օգտվելով առիթից ուզում եմ հայտարարել՝ մենք բացառիկ առաջարկություն ենք արել ընդդիմությանը, որի հետ ուզում ենք կառուցել կամուրջներ, համագործակցություն, եւ առաջարկել ենք համագործակցության գործիք, այն է՝ հակակոռուպցիոն մեր համալիր միջոցառումների ծրագրի մոնիտորինգի իրականացում, եւ հրավիրել ենք ընդդիմությանը, այդ թվում՝ պառլամենտում չներկայացված ընդդիմությանը, մասնակցելու այդ մոնիտորինգի աշխատանքներին. սա բացառիկ հնարավորություն է, որովհետեւ այդ համալիր ծրագիրը բավականին լուրջ ծրագիր է, որը մշակվում է միջազգային լավագույն փորձագետների մասնակցությամբ, եւ այդ ծրագրի իրականացումը հնարավորություն է տալու լուրջ առաջընթաց ապահովելու մեր երկրում: Ես ձեզ հավաստիացնում եմ, որ ձեր մասնակցությունը էապես կբարձրացնի մի կողմից՝ վստահությունը այդ հանձնաժողովի նկատմամբ, մյուս կողմից՝ հանձնաժողովի աշխատանքների արդյունավետությունը, հրավիրում ենք ձեզ մասնակցության»,- երեկ խորհրդարանում հայտարարեց ՀՀ վարչապետ Տիգրան Սարգսյանը:
