![\"\"](\"https://www.aravot.am/2009/aravot_arm/January/30/p3.jpg\")
Թենիսի Ավստրալիայի բաց առաջնության կանանց մրցապայքարի եզրափակիչում հաղթողի սկուտեղի համար կպայքարեն ռուսաստանցի Դինարա Սաֆինան եւ Ամերիկան ներկայացնող Ուիլյամս քույրերից կրտսերը՝ Սերենան: Կհաղթի ուժեղագույնը: Իսկ ո՞վ: Դա ցույց կտա պայքարը: Ասենք միայն, որ Սերենան «Grand Slam»-ում խաղարկվող տիտղոսին հավակնում է 10-րդ անգամ, որին հասնելու դեպքում տեղ կզբաղեցնի Շտեֆի Գրաֆի, Կրիս Էվերտ Լլոյդի, Մարտինա Նավրոտիլովայի եւ Մարգարեթ Կորտի կողքին:
Տղամարդկանց պայքարում շվեյցարացի Ռոժե Ֆեդերերը, որը ներկայումս ATP-ի վարկանիշային ցուցակում երկրորդն է, առաջինն է նվաճել եզրափակիչում հանդես գալու իրավունքը եւ սպասում է իր ապագա մրցակցին, որն ամենայն հավանականությամբ կլինի իր գլխավոր մրցակիցը՝ Իսպանիայի եւ աշխարհի ներկայիս թիվ մեկ ռակետ Ռաֆայել Նադալը:
