ԱՄԵՆԱԶՈՐ ԿԱՏՈՒՆԵՐԸ
Դեռեւս 1980-ականներից սկսած, եվրոպական շատ երկրների հիվանդանոցներում, թմրամոլությամբ ու հարբեցողությամբ տառապող մարդկանց համար նախատեսված բուժական կլինիկաներում սկսել են օգտվել կատուների «ծառայությունից»: Ըստ բժիշկների՝ կատուները դրական ազդեցություն են թողնում հիվանդների վրա: Այս կենդանու առանձնահատկությունն այն է, որ չի վարակվում մարդկանց բնորոշ հիվանդություններով: Բժիշկների հավաստմամբ, կատուն հիանալի «թերապեւտ» է. լիզելով մարդու վերքերը՝ բուժում է դրանք: Բացի դա, կատուն լավ «դեղամիջոց» է հոգնածության, նյարդայնության եւ սթրեսի վերացման համար: Ամերիկացի բժիշկ Էրիկա Ֆրիդմանը ապացուցել է, որ սրտանոթային հիվանդությունների վերականգնողական փուլի ժամանակ անդառնալի կորուստները քիչ են այն հիվանդների շրջանում, որոնք տանը կենդանիներ ունեն եւ հաճախակի են շփվում նրանց հետ:
Գ. ԲԱԼԱՍԱՆՅԱՆ
