Ինչպես հաղորդում է «Մեդիամաքս» գործակալությունը «Եդինայա Ռոսիա» կուսակցության պետական-հայրենասիրական ակումբի եւ «Ռուս ձեռնարկատեր» հիմնադրամի համատեղ նիստի ժամանակ, համաձայն նիստի սղագրության, նիստում հանդես գալով, «Ռուս ձեռնարկատեր» հիմնադրամի փորձագիտական խորհրդի անդամ Կոնստանտին Չերեմնիխն ասել է. «ՀՀ դիվանագետներն ինձ պատմել են, թե ինչո՞վ է տարբերվում Երեւանում ռուսաստանյան եւ ամերիկյան դեսպանատների գործունեությունը: Ամերիկյան դեսպանն ամեն օր նստած է Հայաստանի արտաքին գործերի նախարարի առանձնասենյակում: Նա գալիս է՝ յուրային, բարեհոգի ընտանեկան մարդ, հարցնում է՝ ինչպե՞ս են ընտանիքը, երեխաները. նա ամեն ինչ գիտի, նրան ամեն ինչ հետաքրքրում է: Իսկ ռուսները, ասում են, վազում են, պայմանագիր են ստորագրում, գործարքներ են կնքում, հեռանում են առանց հրաժեշտի, եւ այդպես մինչեւ հաջորդ դրվագը, երբ անհրաժեշտ կլինի որեւէ բան մասնավորեցնել: Եվ նման փորձը սկսում է իսկապես գնահատվել այն ժամանակ, երբ փոփոխվում է տնտեսական իրադրությունը»:
