Արտասահմանյան լրատվամիջոցները հաղորդում են, որ միջին քաշային կարգում IBF-ի վարկածով աշխարհի չեմպիոն Արթուր Աբրահամի հաջորդ մրցակիցը կարող է լինել IBF-ի վարկանիշային ցուցակի նույն քաշային կարգում 15-րդ հորիզոնականը զբաղեցնող ավստրալացի Դանիել Գիլեն: Համաձայն տարածվող տեղեկատվության, բռնցքամարտիկների պրոումոթերները ներկայումս բանակցություններ են վարում:
Գիլեի մենեջեր Գարրի Ֆրանցիսկոն լրատվամիջոցներին արդեն հասցրել է հայտարարել, որ իր բռնցքամարտիկն ի զորու է արժանի մրցակցություն ցույց տալ «Արքա Արթուրին»:
«Դանիելն ունի ամեն հնարավորություն, որպեսզի ցրի Աբրահամի անպարտելիության մասին առասպելը: Գիլեն միշտ էլ մրցակիցների հանդեպ հարգալից է ռինգից դուրս, բայց ռինգում հաղթելու համար անում է ամեն բան»,- ասել է Ֆրանցիսկոն «Fightnews.com» հանդեսին:
