![\"\"](\"https://www.aravot.am/2008/aravot_arm/December/20/p6.jpg\")
Չինարի գյուղը ադրբեջանական պոստերից ընդամենը 700 մետր է հեռու: Այստեղ գրեթե ամեն օր կրակոցներ են լինում: Չնայած դրան, այս երեխաները, իրենց կյանքը վտանգելով, ամեն օր պարտաճանաչ դպրոց են հաճախում:
![\"\"](\"https://www.aravot.am/2008/aravot_arm/December/20/p8.jpg\")
Տավուշի մարզի սահմանամերձ գյուղերի բնակիչների մեծ մասը ծերեր են, որոնք, ինչպես գյուղացիք են ասում՝ պահակ են մնացել:
![\"\"](\"https://www.aravot.am/2008/aravot_arm/December/20/p7.jpg\")
Բացի այն, որ գյուղում անընդմեջ կրակոցներ են լինում, այստեղ մարդիկ ծայրահեղ աղքատ են ապրում: Տիկին Աղավնին դեռ նախորդ ամսվա ալյուրի պարտքը չմարած, կրկին պարտքով մեկ պարկ ալյուր է վերցրել, որպեսզի հաց թխի ու իր 7 հոգանոց ընտանիքը կերակրի:
![\"\"](\"https://www.aravot.am/2008/aravot_arm/December/20/p13.jpg\")
Տավուշի սահմանամեձ գյուղերից է նաեւ Ներքին Կարմիրաղբյուրը: Այստեղ լքված ու ռմբակոծված տներ շատ կան, չնայած կառավարությունը որոշել է սահմանամերձ գյուղերը վերաբնակեցնել:
![\"\"](\"https://www.aravot.am/2008/aravot_arm/December/20/p12.jpg\")
Աղասյանների ընտանիքն էլ 29 հազար դրամ թոշակով է «յոլա» գնում: Անդրանիկ Աղասյանը 12 տարի առաջ ցորենի արտը հնձելիս կրակոցներից վիրավորվել է: Նա անկողնային հիվանդ է՝ 2-րդ կարգի հաշմանդամ, բայց, ինչպես նրա տիկինն է ասում՝ արդեն 6 ամիս է՝ նպաստից զրկել են:
![\"\"](\"https://www.aravot.am/2008/aravot_arm/December/20/p19.jpg\")
Տավուշի մարզի Չինարի գյուղի դպրոցում արցախյան պատերազմի մի շարք մասնակիցների, ՀՀ պաշտպանության նախարարների եւ գեներալների լուսանկարների կողքին փակցված էր նաեւ այս լուսանկարը: Աշակերտների ընկալման մեջ ՀՀ ներկայիս նախագահ Ս. Սարգսյանը պաշտպանության նախարար է՝ առ այսօր:
