![\"\"](\"https://www.aravot.am/2008/aravot_arm/December/18/p1.jpg\")
Արդեն հայտնի են այն դատախազները, ովքեր Երեւանի քրեական դատարանում վաղը մեկնարկելիք «Յոթի» գործով դատավարության ընթացքում պաշտպանելու են յոթ քաղբանտարկյալներին առաջադրված մեղադրանքները: Նրանք վեցն են՝ Կորյուն Փիլոյան, Աշոտ Նադոյան, Արամ Ամիրզադյան, Լիլիթ Թադեւոսյան, Հովսեփ Սարգսյան եւ Հարություն Հարությունյան: Նրանք բոլորն էլ, բացառությամբ Հարություն Հարությունյանի, որպես մեղադրողներ հանդես են եկել «Մարտի 1»-ի գործով տեղի ունեցած այլ դատավարություններում: Հիշեցնենք, որ «սպանություններով զուգորդված զանգվածային անկարգություններ կազմակերպելու» եւ «պետական իշխանությունը յուրացնելու» մեջ մեղադրվող 7 անձանց պաշտպանությունն իրականացնելու են հինգ փաստաբաններ՝ Հովիկ Արսենյանը, Ստեփան Ոսկանյանը, Լիպարիտ Սիմոնյանը, Մելանյա Առուստամյանն ու Վարդուհի Էլբակյանը:
