![\"\"](\"https://www.aravot.am/2008/aravot_arm/December/5/p1.jpg\")
«Մարտի 1»-ի դեպքերն ուսումնասիրող «Փորձագետների փաստահավաք խմբում» իշխանական կոալիցիան ներկայացնում է նախկին դատախազ Գեւորգ Թովմասյանը: Պարզվում է, նա՝ որպես «Մարտի 1»-ի գործով դատարանում մեղադրանք պաշտպանող դատախազ, չի կարող ընդգրկվել այդ խմբում, որովհետեւ չի կարող համարվել անկողմնակալ փորձագետ: Իսկ թե ինչպես պետք է բնութագրել նրան որպես դատախազ, հուշում է ոչ վաղ անցյալի այս պատմությունը. 2006թ. հոկտեմբերի 28-ին Ավան եւ Նոր Նորք համայնքների դատախազ Գեւորգ Թովմասյանն իր օգնականի եւ էլի մեկի ուղեկցությամբ ապօրինաբար՝ առանց օրինական հիմքի եւ համապատասխան որոշման, ներխուժել էր Փաստաբանների պալատի անդամ Լիանա Բալյանի բնակարան եւ անձամբ սպառնացել փաստաբանին՝ «քացու տակ քցել», իսկ նրա ծնողներին խոստացել էր՝ «ձեր աղջկան կկալանավորենք եւ բանտ կնետենք»:
Կարդացեք
