![\"\"](\"https://www.aravot.am/2008/aravot_arm/December/3/p1.jpg\")
«Ժառանգության» եւ Տիգրան Թորոսյանի «ջրերը մի առվով չէին հոսում» շատ հաճախ, երբ նա դեռ ԱԺ նախագահ էր: Իսկ պաշտոնանկությունից հետո պրն Թորոսյանի եւ խորհրդարանական ընդդիմադիրների դիրքորոշումները շատ հարցերում սկսեցին համընկնել, ինչպես եղավ նաեւ երեկ՝ «Հանրաքվեի մասին» օրենքում փոփոխություններ կատարելու նախաձեռնության կապակցությամբ: «Ժառանգություն» խմբակցության ղեկավար Արմեն Մարտիրոսյանն այս օրինագիծը գնահատեց հակասահմանադրական, նշելով, թե Սահմանադրությամբ ամրագրված որեւէ դրույթ իրավունք չի տալիս կառավարությանը նախաձեռնել նման հանրաքվե: Նույն տեսակետն ուներ նաեւ Տիգրան Թորոսյանը, որը հայտարարելով, թե չի կարելի հակասահմանադրական օրինագծով խարան դնել հանրաքվեի գաղափարի վրա՝ կառավարությանն առաջարկեց ետ վերցնել օրինագիծը եւ գտնել հասարակության կարծիքի բացահայտման այլ տարբերակ: Ըստ նրա՝ արդարացված չէ նաեւ օրինագծի ընդունման հրատապությունը:
Կարդացեք նաեւ՝
